澳大利亞聯邦(英語:Commonwealth of Australia)係隻南半球嗰國家,佢嗰領土含到世界頭上最細嗰大陸(也係最大嗰島)。佢嗰面積到全世界排得第六位,領土係由澳洲大陸,加上一滴子太平洋、印度洋同到南極洲嗰島嶼組成。
從四萬年前到18世紀歐洲人抵達之前,箇段時間裡頭澳大利亞箇滴子區域存在嘚250隻獨立嗰原住民國家。1770年,英國人頭先宣布澳大利亞係佢嗰,1788年正式成為英國嗰殖民地「新南威爾斯」,哈係囚犯流放地。之後一逕到19世紀,人口開始風快上升,大陸別嗰地方都拕開發,五隻自治殖民地接到成立。到1901年1月1號,六隻殖民地合併成做澳大利亞聯邦。由此澳大利亞一直歸英聯邦管到,英國王室係佢嗰國家元首。
佢嗰東南首係新西蘭、北首係巴布亞新畿內亞同到東帝汶,印度就到佢嗰西北首。「澳大利亞」源自拉丁文嗰terra australis incognita,係話「未知嗰南方大陸」。
澳大利亞嗰首都係坎培拉,但人口多集中到各隻州嗰首府,主要係悉尼、墨爾本、布里斯本、柏斯同到阿德萊德。
澳大利亞拕劃做六隻省(State)、兩隻主要嗰領地(Territory),同到別嗰細嗰領地。
六大州:
兩隻主要領地/地區:
別嗰領地: 有人長期定居嗰:
冇人長期定居嗰: