1676

Árið 1676 (MDCLXXVI í rómverskum tölum) var 76. ár 17. aldar og hlaupár sem hófst á miðvikudegi samkvæmt gregoríska tímatalinu en laugardegi samkvæmt júlíska tímatalinu sem er tíu dögum á eftir.

Atburðir

• 29. janúar - Fjodor 3. varð Rússakeisari.
• 17. júlí - Eiturmálið komst í hámæli í Frakklandi þegar Marie-Madeleine-Marguerite d'Aubray var tekin af lífi fyrir að hafa myrt föður sinn og bræður með eitri.
• 21. september - Benedetto Odescalchi varð Innósentíus 11. páfi.
• Desember - Ole Rømer, sýndi fram á að ljóshraði er endanlegur.

Ódagsettir atburðir

• Ritið Mono-syllaba Is-landica â Jona Rvgman Collecta eftir Jónas Rugman kom út í Uppsölum.

Fædd

• 27. mars - Frans 2. Rákóczi, Transylvaníufursti (d. 1735).
• 23. apríl - Friðrik 1. Svíakonungur (d. 1751).
• 26. ágúst - Robert Walpole, breskur stjórnmálamaður (d. 1745).

Dáin

• 14. janúar - Francesco Cavalli, ítalskt tónskáld (f. 1602).
• 29. janúar - Alexis 1. Rússakeisari (f. 1629).
• 5. júlí - Carl Gustaf Wrangel, sænskur marskálkur (f. 1613).
• 22. júlí - Klemens 10. páfi (f. 1590).

Opinberar aftökur

• Galdramál: Jón Pálsson frá Kaldrananesi dæmdur til húðláts og að níu galdrablöð sem hann átti væru brennd fyrir nösum hans.
• Árni Jónsson, 39 ára, hengdur í Borgarfjarðarsýslu, fyrir þjófnað.

Tilvísanir

1. ↑ Skrá á vef rannsóknarverkefnisins Dysjar hinna dauðu, á slóðinni https://dhd.hi.is/gogn/Info.pdf, sótt 15.2.20202. Fram kemur að Árni var ekki dæmdur til hengingar heldur húðláts (hýðingar) og marks (brennimerkingar), en hengdur þó, og aftökunni veitt samþykki af lögmanni og lögréttumönnum á næsta Alþingi.